Орусия ракетага каршы системасын сынады

Аба-космикалык күчтөрдүн (АКК) аскерлери орусиялык  жакын аралыкка түшүүчү ракета системасын сынашты. Бул туурасында маалымат агенттиктери Коргоо министрлигинин басма сөз кызматына шилтеме берүү менен кабарлашты. Ракета бүгүн Казакстандагы Сары-Шаган полигонунда кое берилди.

Сыноо ракеталардын тактика-техникалык касиеттерин бекемдөө максатында жүргүзүлгөн. Ага күбө болгон башкы командачынын орун басары генерал-лейтенант Виктор Гуменный ракета тапшырманы так аткарып, белгиленген убакытта шарттуу бутага тийди деп билдирди.

Май айында АКШ Румынияда глобалдык ракетага каршы системанын биринчи объектисин ишке киргизген болчу. Аталган түзүм НАТОго мүчө мамлекеттерди Ирандан коргомок.

Кремль америкалык ракетадан коргонуу системасы Орусиянын коопсуздугуна коркунуч жаратат деп эсептейт. Орусиянын президенти Владимир Путин Москва АКШ менен НАТОнун аракеттерине жооп берүүгө мажбур экенин айткан.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *