Орусия жана Европада АКШнын санкциялар тууралуу мыйзамы сынга алынууда

Орусиялык аткаминерлер жана депутаттар Москвага каршы жаңы санкцияларды караган, ошону менен бирге президент Трампка аны жокко чыгарууга же жумшартууга жол бербеген мыйзамды сынга алышты. Бул арада Евробиримдик эгер мыйзам ЕБнын энергетикалык коопсуздугуна кедергисин тийгизсе, ыкчам чараларды кабыл ала турганын билдирди.

Орусиянын тышкы иштер министринин орун басары Сергей Рябков 26-июлда жасаган билдирүүсүндө Кошмо Штаттардын Өкүлдөр палатасы бир күн мурда кабыл алган мыйзамды Вашингтон менен Москва ортосундагы “алакалардын турукташуусун бузууга багытталган кадам” катары баалады.

Москва менен кошо Тегеранга жана Пхеньянга каршы санкцияларды киргизүүнү караган мыйзам долбоору 419 добуш менен 25-июлда кабыл алынды. Каршы болгону үч гана адам добуш беришти.

Сенат качан карары белгисиз.

Мыйзамдын акыркы долбоору президент Трамптын колуна август айынын экинчи жарымында тиери күтүлүүдө.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *