Орусияда бомба коюлгандыгы тууралуу телефон чалуулар уланууда

Москвада мина коюлгандыгы тууралуу маалыматтан кийин полиция жекшембиде 10дон ашуун соода борборун текшерип, 9 миңдей адамды эвакуациялады. “Интерфакс” агенттиги кабарлагандай, алардын арасында “Охотный ряд”, “Хорошо”, “МЕГА” сыяктуу соода борборлору бар.

Вокзалдарда, соода түйүндөрүндө жана окуу борборлорунда бомба коюлгандыгы тууралуу анонимдүү маалыматтар укук коргоо органдарына 10-сентябрдан бери түшүүдө. Бул убакыт аралыгында Орусиянын ондогон райондорунда жүз миңден ашуун киши эвакуацияланды. Мина коюлгандыгы тууралуу маалыматтардын бири дагы тастыкталган жок.

Расмий эмес версиялардын бирине ылайык, жашыруун телефон чалууларга Алексей Учителдин “Матильда” тасмасына каршы чыккан православ активисттеринин тиешеси бар болушу ыктымал. Агенттик өз булактарына таянуу менен телефон чалуулар көбүн эсе Украина аймагынан келип жатканын кабарлаган.

Кремль бул окуяларды “телефон терроризми” деп атады.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *