Орусиянын бардык спортчулары Олимпиададан четтетилиши мүмкүн

Эл аралык Олимпиада комитети эртен Лозаннада өтө турчу жыйында Орусиянын бардык курама командасын Рио-де-Жанейродогу оюндардан четтетүү чечимин кабыл алышы мүмкүн. Бул туурасында Spiegel атын атагысы келбеген отурумдун катышуучусуна шилтеме берүү менен билдирди.

Басылманын маалыматына караганда, спротчуларды оюндан четтетүүдөн мурда Эл аралык Олимпиада комитетинин башчысы Томас Бах абалды Орусия президенти Владимир Путин менен талкуулайт. Орусия президентинин басма сөз катчысы Дмитрий Песков сүйлөшүүлөр туурасында кабары жок экендигин билдирди.

Жума күнү Жеңил атлетика федерацияларынын эл аралык ассоциациясы кызытма колдонгон жөө күлүктөрдү Олимпиададан четтетүүнү талап кылып, санкцияларын узарткан. Мындай билдирүүдөн кийин Орусиянын спорт министри Виталий Мутко ассоциацияны таратуу керектигин жарыялаган.

2015-жылдын ноябрында Эл аралык антидопинг агенттиги Москвадагы кызытмага каршы лабороториянын көз боемочулуктары туурасында баяндама жарыялаган. Агенттик тыюу салынган препаратты колдонууга мамлекет дагы колдоо көрсөтүп жаткандыгын билдирген.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *