Ошто “Ош Фест – 2017” фестивалы болуп өттү

19-августта Ош шаарында өткөн «Ош Фест – 2017» эл аралык туристтик фестивалы болуп өттү. Бул тууралуу Ош шаарынын мэриясы кабарлады. Маалыматка ылайык, мындай фестиваль өлкөдө биринчи ирет өтүп жатат.

Фестиваль өзгөчө шаң менен башталып, шаарга көрк берип, ар аймактан өкүлдөрүнүн жүрүшү менен уланды. Төө, жылкылардын керней-сурнайлардын коштоосундагы кербен шаардын борборунан өттү. Шаардын борбордук көчөсү аркылуу өткөн жүрүш Токтогул Сатылганов атындагы парктан токтоп, сейил бактагы көргөзмө менен уланды. Көргөзмөгө Ош шаарындагы ашпозчулардын колунан даярдалган түркүн тамак-аштар, жер-жемиштер, чыгыштын түрдүү чайлары, кол өнөрчүлөрдүн эмгектери коюлган. Фестивалга Ош шаарынын мэри Айтмамат Кадырбаев, USAIDдин өлкөдөгү өкүлү Кимберли Роузен, Туризм департаментинин директору Азамат Жаманкулов, шаар тургундары, коноктор жана туристтер катышты.

Булак: “Де-Факто”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *