Өзбекстан жарандарына жасалма паспорт жасагандардын иши тергелип бүтө элек

Ошто Өзбекстан жарандарына жасалма паспорт бергендердин иши дагыле тергелип жатат. Бул туурасында Ош облустук ички иштер башкармалыгынын басма сөз кызматынын жетекчиси Жеңиш Ашырбаев билдирди.

– Алай районундагы айылдык паспорт-виза каттоо бөлүмчөсүнүн башкы адиси К.А. жасалма документ бергенге шектелип, анын үстүнөн териштирүү кызыды. Анткени, К.А. 2011-жылдын февраль айында расмий документтерге жалган маалыматтарды киргизип, Өзбек Республикасынын жараны, 1982-жылы туулган Ш.М. аттуу аялга “Ош облусунун Алай районунун тургуну, улуту кыргыз. Аты-жөнү М.М.” деп өзгөртүп, 2011-жылы 17-февралда Кыргызстандын жалпы жарандык паспортун тууралаган. Ушундай эле кылмышка Ош шаардык паспорт-виза каттоо бөлүмүнүн кызматкери С.К. даты айыпталып жатат. А дагы өзбек жаранына аты-жөнүн, улутун өзгөртүп, мамлекеттик документти колуна карматкан, – деп кошумчалады басма сөз кызматынын өкүлү.

Ушул тапта санакталган эки фактынын негизинде кылмыш иши козголуп, тергөө амалдары кызуу жүрүп жаткан чагы.

Булак: “Майдан”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *