Өзбекстан жашылча-жемиштин экспортун эки эсеге жогорулатат

Өзбекстан быйыл жашылча-жемиштин экспортун эки эсеге көбөйтүүнү пландоодо. Жергиликтүү ММКлар кабарлагандай, тармактык мекемелерге мындай тапшырманы президент Шавкат Мирзиёев берди.

Былтыр Өзбекстан чет өлкөлөргө 700 миллион долларлык мөмө-жемиш жөнөтүп, экспорттун көлөмүн 15,6% жогорулаткан. Быйыл республика 1,4 миллион долларлык продукция сатууну пландоодо.

Бул үчүн күзүндө пияз, сарымсак айдап, майда аны жыйнап алуу жагы белгиленди.

Пахта жана буудайдан бошотулган 150 миң гектар аянтка кирешеси жогору жемиштер өстүрүлөт. Ошондой эле заманбап күнөскана, кампа жана кайра иштетүүчү ишканаларды уюштуруу пландалууда.

Президент мындан тышкары товарларды ташуу, экспорттоо жана сактоо боюнча логистикалык борборлорду түзүү боюнча “жол картаны” бекитүүнү тапшырды.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *