Өзбекстанда 1-июлдан тарта МАИ кызматкерлерине жолдордо жашырынып, көзөмөл жүргүзүүгө тыюу салынды

2019-жылдын 1-июлунан тарта айдоочулар мобилдүү видеокамералары жок жол кайгуул кызматкерлерине документтерин көрсөтпөөгө укук алат. Бул тууралуу Өзбекстан Юстиция министрлиги тараткан билдирүүдө айтылат.

Өзбекстан ИИМинин жол кайгуул кызматкерлерине жашырынып алып унааларга көзөмөл жүргүзүүгө, токтотууга тыюу салынат. Документке ылайык, жол сакчылары транспорттук каражаттарды, аудио жана видеофиксация сыяктуу жабдууларды колдонуу менен ачык-айкын иш алып барышы керек. 1-июлдан тарта кызматкерлер милдеттүү түрдө мобилдүү видеокамераларды алып жүрүүгө тийиш.

Жол кагуул кызматкерлерине өздөрүнө тиешелүү тилкелерден тышкаркы жерде айдоочуларды токтотууга жана административдик мыйзам бузуу боюнча протокол толтурууга тыюу салынат. Мындай протоколдордун юридикалык күчү болбойт.

Айдоочу жол кайгуул кызматкери токтоткон маалда анын документтери менен таанышып чыгууга укуктуу.                                                                             

Булак: “Борбор Азия жаңылыктар кызматы

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *