Өзбекстанда доллардын расмий курсу «көмүскө базардын» курсуна теңелет

Жакынкы күндөрү Өзбекстандын Борбордук банкы доллардын расмий курсун девальвация кылып, чет өлкөлүк валютанын расмий курсун унификациялайт. Бул тууралуу өлкөнүн банк системасында эмгектенген кызматкерлер билдиришти.

Маалыматка караганда, Борбордук банктын бул аракетинен кийин америкалык доллардын бирдиктүү курсу болжол менен 8 миң сумду түзөт деп күтүлүүдө.

Ташкенттеги коммерциялык банктар жарандардан чет өлкөлүк валюталарды сатып алууга даярданышууда.

– Бизге Борбордук банктын тиешелүү жобосу келгенден кийин даярдана баштадык. Бирок азырынча жарандардан чет өлкөлүк валютаны базар баасы менен сатып алууну баштай элекпиз. Анткени Борбордук банк бул боюнча чечим кабыл ала элек. Мекеме тарабынан бирдиктүү курс бекитилгенден кийин жеке жактардан чет өлкөлүк валютаны сатып ала баштайбыз, – деп билдирди коммерциялык банктын кызматкерлеринин бири.

Борбордук банктын бул кадамы расмий курстун кескин девальвация болушуна алып келет.

– Борбордук банк тарабынан 29-августка карата белгиленген доллардын расмий курсу 4200 сумду түзсө, «көмүскө базарда» ал 7800 сумга бааланууда. Эми Борбордук банк расмий курсту девальвация кылып, аны көмүскө базардын курсуна теңеши керек. Мында чет өлкөлүк валютанын курсу бир түргө келип, эркин конвертацияга жол ачылат. Андан соң валюта курстары күн сайын базардагы суроо-талапка жана сунушка жараша өзгөрүп турат, – деди ал.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *