Өзбекстанда селсаяктарга паспорт бекер бериле баштайт

Өзбекстан өкмөтү туруктуу жашаган жери жок кишилерди коргоо чаралары тууралуу токтом кабыл алды.

Мындан ары селсаяктар миграция бөлүмүнө кайрылышса, алардын мурдагы жашаган жери, туулгандыгы тууралуу күбөлүгү, ата-энеси жана жакындары жөнүндө малыматтар такталат.

Эгер кайрылган кишинин Өзбекстан же башка өлкөнүн жараны экени такталбаса, миграция бөлүмүндө ага өздүгүн аныктаган убактылуу маалымкат берилет.

Андан соң жергиликтүү бийлик селсаякты туруктуу каттоодон өткөрөт.

Эгер анын паспорту жок болсо, айып пул салынбастан, кайрадан документтерин бекер жазап беришет.

Учурда реабилитациялык борборлордо жашап жаткан үй-жайсыз кишилер туруктуу жашаган жерине барышса, жол киреси төлөнөт.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *