Өзбекстандыктар Собчак менен Навальныйдын мазактоосуна жооп беришти

Ксения Собчак менен Алексей Навальный «Дождь» телеканалынын эфиринде Өзбекстандын жашоочулары Пушкиндин ким экенин билбейт деп аларды мазакташкан. Sputnik Өзбекстан агенттиги билдиргендей, өзбек жарандары жооп катары социалдык түйүндөрдө флешмоб өткөрүштү.

Алар акындын ырларын жатка айтып, видеолорун социалдык түйүндөргө жайгаштырышты. Андан тышкары Өзбекстанда Пушкин атындагы көчө, аянт жана метро станциясы бар экенин билдиришти. Колдонуучулардын бири Өзбекстандагы адамдардын жашоосу менен тааныштыруу үчүн Ксения Собчак менен Алексей Навальныйды өз мекенине чакырды.

«Пушкинди эч ким билбейт деп өзүнөрдү адепсиз көрсөтпөгүлө. Биз Пушкинди да, Блокту да, Есенинди да, Маяковскийди да, Лермонтовду да, Грибоедовду да, Гоголду да билебиз. Аларды бала кезимен бери билем, бардыгын санап бере алам. Силер болсо биз жөнүндө эч нерсе билбейт экенсиңер», – деди колдонуучулардын бири видеокайрылуусунда.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *