Өзгөн районунда баңгизат менен кармалган имам үй камагына чыгарылды

Ош облусунун Өзгөн районунда баңгизат менен кармалды деген имам үй камагына чыгарылды. Бул тууралуу Ош ОИИБдин басма сөз кызматынан билдирди.

Маалыматка караганда, “Матисак-Ата” мечитинин имамы С.К кечээ 6-ноябрда үй камагына чыгарылган. Ага Кылмыш жаза кодексинин 246-беренесинин 3-бөлүмү (баңгизаттарын мыйзамсыз түрдө сактоо, ташуу, сатуу) боюнча козголгон кылмыш иши Өзгөн РИИБи тарабынан тергелип жатат.

Эскерте кетсек, үстүбүздөгү жылдын 27-октябрында Өзгөн районундагы Жылалды айылынын 36 жаштагы тургуну баңгизат менен кармалган. Кармалган жаран аталган айылдагы “Матисак-Ата” мечитинде жамаат тарабынан оозеки түрдө шайланган имам болуп иштеп келген.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *