Парламент Садыр Жапаров тууралуу санаа тартпайт!

Кечээ, Жогорку Кеңештин жалпы жыйынында камактагы саясатчы Садыр Жапаровдун маселесин кароону күн тартибине киргизүү боюнча “Атамекен” жана “Өнүгүү-Прогресс” партиялары сунуш киргизип, бирок колдоо тапкан жок. Айталы, депутаттар Алмамбет Шыкмаматов менен Бакыт Төрөбаев  экс-депутаттын   №1 тергөө абагына камалганы туура эмес болгонун, УКМКнын Убактылуу кармоочу жайына которуу керектигин айтышып, ошондой эле жакындары жолугуша албай жатканы жарандык укугуна доо кетирээрин белгилешти.

Ал арада парламенттеги укук тартиби, кылмыштуулук менен күрөшүү жана коррупцияга каршы аракеттенүү боюнча комитетинин төрага орунбасары Искендер Матраимов бул жаатта комитет иштеп жатканын, жакын арада жыйынтыгы сунушталаарын билдирди. Ага улай эле төрага Чыныбай Турсунбеков бул жаатта тийиштүү комитет иштеп жатканын айтып, анын жыйынтыгы менен гана жалпы жыйында каралаарын билдирди. Кыскасы, эл ишенген эл өкүлдөрүнүн Садыр Жапаровго болгон мыйзамсыз аракеттерге кийлигишпей тураары белгилүү болду…

Булак: “Алиби”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *