Пекин Кытайда соттолгон 4 кыргыз жаранын Кыргызстанга өткөрүп берет

Быйыл Пекин Кытайда соттолгон төрт кыргыз жаранын мекенине өткөрүп берет. Бул тууралуу тышкы иштер министри Эрлан Абдылдаев билдирди.

Анын айтымында, учурда Кыргызстандын 17 жараны Кытайдын түрмөлөрүндө жатат. Алардын көбү оор кылмыш, маңзат менен кармалып соттолгондор. Былтыр Кытай эки кыргызстандыкты мекенине өткөрүп берген.

Кытайда маңзат аткезчилиги оор кылмыштардын катарына кирет. Акыркы жолу Кытайда камалган кыргызстандык жарандын өлүм жазасына тартылганы 2016-жылы ачыкка чыккан. Ал кезде маңзат менен кармалып, алты жыл бою абакта жаткан кыргызстандык жаран, 51 жаштагы Светлана Кулбаева Кытайдын Үрүмчү шаарында өлүм жазасына тартылган.

Булак: «Борбор Азия жаңылыктар кызматы»

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *