Равшан Жээнбеков, экс-депутат, саясатчы: “Азыркы күндө экономиканын абалы чындап эле бир топ оор, стагнацияга такалды”

Редакциядан: Стагнация – латын тилин­деги бул түшүнүктү бизче, жөнөкөйлөтүп айтканда «токтоп клуу», «сенектик» деген маани. Белгилеп кете турган нерсе- эконо­микадагы мындай абал, ушундай көрүнүш 1930-жылдары АКШда болсо, андай жагым­сыз учурга 1980-жылдары СССРдин экономи­касы тушуккан. Биздеги экономикалык жаг­дай, учурдагы өкмөттүн абалы, жалпы эле өлкөдөгү саясий кырдаал туурасында экс-де­путат, саясатчы Равшан Жээнбеков өз оюн төмөндөгүчө билдирди:

«Президент абалдын оордугуна карабастан «өкмөттү кетирбейм» деп айтканы- «бүгүнкү күндө өкмөттүн кожоюну менмин, алардын тагдырын мен чечем, ошондуктан кетирбейм, бийликтин ээси менмин» деген сигналды бе­рип жатканы. Башкачараак айтканда мамлекет башчынын учурдагы өкмөт туурасында антип айткан сөзү «жакынкы убактарда экономика­лык кыйын кырдаал түзүлсө да, өкмөт иштей албаса да жоопкерчиликти мен алам» дегендей эле белги. Азыр болсо мамлекеттик башкаруу институттары, андагы жетекчилер деморализа­ция болуп, экономика жылбай жатат. Мындай­да азыркы өкмөт натыйжалуу иштеп кетет деп айтуу кыйын. Маанилүү өзгөрүүлөр жасалбайт. Президент Сооронбай Жээнбеков жакында иш­керлер менен жолугушуусунда: «көптөгөн ма­селелелер өкмөт тез-тез алмаша берген турук­суздугунан болуп жатат» деп атпайбы. Эконо­микада алдыга жылбай жатканыбыздын себеби өкмөттүн туруктуу же туруксуз экенинде эмес. Бул биринчиден мамлекетте маанилүү рефор­малардын жоктугу менен байланыштуу. Азы­ркы күндө экономиканын абалы чындап эле бир топ оор болуп калды, стагнацияга такалды. Ишкерлер экономиканы жараткандан кийин, алар тарабынан ар кандай нааразычылыктар болуп жаткандыктан улам ушундай жолугу­шуу уюштуруп, алардын проблемаларын угуу­га аракет кылып жатканы – бул өлкөдө эконо­микалык абалдын оорлоп жатканынын дали­ли. Дагы бир ириет баса белгилеп кетким ке­лет, мамлекеттик кызматчыларга жеткиликтүү деңгээлде эркиндик берилген жок, мамлекетте саясий атаандаштык пайда болбой калды. Бий­ликтин үч бутагы деп аталган Өкмөт, Жогорку Кеңеш, Президент өзүнүн түзмө түз конститу­циялык функцияларын аткара албай жатат. Эч кандай реформа болбостон, бийлик кайрадан президенттин колуна топтолуп калганын ал ки­шинин «өкмөттүн тагдырын мен чечем» деген маанайдагы пикири далилдеп жатат.»

Алтынай БАКИРОВА

«Айгай-пресс»

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *