Роза Отунбаевадан башкалар Эл баатыры эмес!!

Мындай пикирди Өмүрбек Текебаев оозу-мурду кыйшайбай “Сентябрь” теле каналы аркылуу калың журтка жар салды.  Асыла элеги Эл Баатырлары эле калган го Чиркешовичтин. Аларды да бир каптап өттү. Текебаевдин сөзүнөн кийин өлкөдө жалгыз гана Роза Отунбаева Эл Баатыры  турбайбы деген ойго жетеленип жатабыз. Алмазбек Атамбаев 31-август күнү борбордук аянтта Роза Исаковнаны кагып-силккиче “Сиз Исхак Раззаковдон дагы мекенчил экениңизди көрсөттүңүз. Эми ал кишилер Москванын акчасын кантип өздөштүргөндү билгендиги үчүн Баатыр болушкан. Чыныгы Баатыр сиз, урматтуу Роза Исаковна” десе куп жарашмак экен да. Каапырай, Чиркеш акенин баласы оюна келгенди айта береби? Раззаков менен Отунбаеваны салыштырууга эгерим мүмкүн болбосо керек. Же Өмүрбек Текебаевге кошулбай, бийликти сөкпөй койсо эле Эл Баатырлары катардан чыгып калабы?  Кокус саясаттан чарчап, бир күнү ооруга чалдыгып кала турган болсоңуз ( Кудай анын бетин ары кылсын),  өзүңүз асылып жаткан Баатырлар Мамбет Мамакеев, Миталип Мамытовго окшогондор көздөн учуп жүрбөсүн.

Булак: “Жаңы ордо”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *