Сапар Исаков Кубанычбек Кулматовду МБК борбордук аппаратынын жамаатына тааныштырды

Сапар Исаков бүгүн, 12-декабрда, Кубанычбек Кулматовду Кыргыз Республикасынын Өкмөтүнө караштуу Мамлекеттик бажы кызматынын борбордук аппаратынын эмгек жамаатына тааныштырды. Бул туурасында өкмөттүн расмий сайты жарыялады.

Өкмөт башчы Кубанычбек Кулматовдун өлкөнүн бажы органдарындагы мыкты кесиптик тажрыйбасын белгилеп, анын жетекчилиги астында өлкөдө бажылык жөнгө салуунун натыйжалуулугу жогорулаарына ишеним билдирди.

«Кубанычбек Кулматовду кызматтын жетекчиси катары дайындоонун негизги себебинин бири – ал МБК жеке курамы үчүн жаңы адам эмес. Ал көп жыл бою бажы органдарында иштеп, МБК жетекчилиги кызматында жакшы жыйынтыктарды көрсөткөн», – деп белгиледи Сапар Исаков.

Соңунда Премьер-министр Сапар Исаков Мамлекеттик бажы кызматынын жаңы жетекчисине ишинин ийгиликтүү жана жемиштүү болушун каалады.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *