Съездбектин беш баласы бир командада

Кечээ Бишкек шаарынын мектеп окуучуларынын райондор аралык спартакиадасы старт алды. Съездбек Таштакеевдин беш баласы (Арзыбек, Руслан, Алмаз, Назира жана Айжан) бир команда болуп аламанга аттанды. Шахмат майданында чаң эле чыгып жатып калса керек. Эске сала кетсек, бу балдар бир эле мектепте билим алышат. Бүгүнкү күндө Съездбек мырзаны бир маселе кыжалат кылып атканын кулак учунан кабардар болдук. Анткени, жакында Таиландда шах­мат боюнча Азия чемпионаты өткөнү турат. Ага 18 жашка чейин Арзыбек, 16 жашка чейин Руслан жана 8 жашка чейин Айжан жолдомо алып, Кыргызстандын намысын коргогону аттанышат. «Кызым Айжан мурун байкелери менен эле чет мамлекетке кете берчү. Бу жолу «сиз барбасаңыз болбойт. Мага дем-күч бере турган эң жакын адамым сизсиз» деп, терең ойго салыптыр. Көздү жумуп, кызына жана эки уулуна аткошчу болуп барып келейин десе жол киреге каражат жагы кыйыныраак өңдүү. Мындай учурда өкмөт башчы сапар Исаковдун бир сөзү тагдыр чечип койчу эле…

Булак: Азия Ньюс 

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *