Шашылыш билдирүү: аба ырайынын кескин өзгөрүлүшү күтүлүүдө

ӨКМдин билдиргенине караганда, аномалдуу ысык жана кургак аба ырайынан кийин Кыргызстандын аймагында 3-ноябрда күндүз жана 4-5-ноябрда аба ырайынын кескин өзгөрүлүшү күтүлөт: 3-ноябрда күндүз кээ бир райондордо, 4-5-ноябрда көпчүлүк аймактарда жаан жаап, тоолордо кар жаашы, айрым жерлерде жаан-чачын катуу жаашы күтүлөт. Батыштан соккон шамалдын ылдамдыгы айрым жерлерде секундасына 15-20 метрге жетет. 4-5-ноябрда абанын температурасы төмөндөп: Чүй, Талас өрөөндөрүндө түнкүсүн 1…6°, күндүз 8…13° жылуу, Ош, Жалал-Абад, Баткен облустарынын өрөөндөрүндө түнкүсүн 2…7°, күндүз 14…19° жылуу, Ысык-Көл ойдуңунда жана тоо этектеринде түнкүсүн 0…5°, күндүз 7…12° жылуу, Нарын облусунун дыйканчылык аймактарында жана тоолуу райондордо түнкүсүн -3…-8° суук, күндүз 6…11° жылуу, бийик тоолуу райондордо түнкүсүн    -9…-14°, күндүз 0…-5° суук болушу күтүлөт.

6-7-ноябрда туруксуз аба-ырайы сакталып турат: көпчүлүк аймактарда  жаан жаап, тоолордо кар жаашы, айрым жерлерде жаан-чачын каттуу жаашы күтүлөт. Батыштан соккон шамалдын ылдамдыгы айрым жерлерде секундасына 15-20 метрге жетет. Абанын температурасы дээрлик өзгөрүлбөйт.

Мындай туруксуз аба ырайы айыл чарба иштерин, автоунаа, энергетика жана коммуналдык кызматтардын ишин жана жайыттарда малды кармоону кыйындатат.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *