Сирияда Орусиянын үч аскери жарадар болду

Сириянын түндүгүндөгү Идлиб провинциясында үч орусиялык аскер жарадар болду. Бул тууралуу Орусиянын Коргоо министрлиги кабарлады. Мекемеден алар «Фронт ан-Нусра» тобунун чабуулу маалында жаракат алгандыктарын билдиришти.

Маалыматка караганда, 30га жакын орусиялык аскер курчоодо калып, бирок аны жарып чыгышкан.

Коргоо министрлиги аймактагы абалдын курчушуна «АКШнын атайын кызматын» айыптады. Орусиянын Башкы штабынан мындай жол менен АКШ Сириянын өкмөттүк армиясынын чабуулун токтотууга аракет кылган деп билдирүүдө. Азырынча Вашингтон орус бийлигинин бул билдирүүсү боюнча комментарий бере элек.

БУУнун маалыматына караганда, Сирияда согуш башталган алты жарым жылдын ичинде 450дөн ашык киши мерт болуп, өлкөнүн миллиондогон жашоочусу качкынга айланды. Орусия Сириядагы аскердик өнөктүгүн 2015-жылы баштаган. Орусия авиациясы асмандан Башар Асаддын режимине колдоо көрсөтүп, куралдуу оппозициянын позицияларына соккуларды урууда. АКШ жана бир катар батыш өлкөлөрү Асадды аскер кылмыштарына айыптап, Орусияны аны колдоодон баш тартууга чакырып келишет.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *