Атамбаев качып кетти деп жарыялаган КСДПнын шайлоо штабынын бухгалтеринин уулу Кыргызстанга кайтып келди

БШКнын мүчөсү жана КСДПнын шайлоо алдындагы штабынын бухгалтери Нуржан Сатыгул кызынын уулу Адилет Сатыгулов Кыргызстанга кайтып келди. 26-декабрда ал шайлоо комиссиясынын отурумуна катышты.

Бул Сатыгулов өлкөдөн кеткенден кийин катышкан алгачкы отурум.

Буга чейин жактоочу Нурбек Токтакунов «Фейсбук» социалдык тармагындагы баракчасына президент Сооронбай Жээнбековго импичмент жарыялоого негиз пайда болгонун билдирип, анын борбордук шайлоо штабынын короткон каражаттары жазылган документти жарыялаган.

Андан соң экс-президент Алмазбек Атамбаев аталган касса тууралуу штабдын бухгалтери билгендигин айтып, ал өз өмүрүнө корккондугунан чет мамлекетке чыгып кеткенин билдирген.

Мамлекеттик чек ара кызматы аныктагандай, КСДПнын штабынын бухгалтери социалдык тармактарга аталган документ жарыяланышына 4 күн калганда, тагыраак айтканда 11-ноябрда өлкөдөн чыгып кеткен. 18-ноябрда, экс-президенттин «Апрель» телеканалына берген маегинин анонсу жарыяланганда, бухгалтердин уулу Кыргызстандын аймагынан чыгып кеткен. ИИМ алар келгенде коопсуздук камсыздап берерин убадалаган.

  Булак:KyrgyzToday

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *