Ташкент Дүйшөмбү каттамын кабыл алуудан баш тартты

“Сомон Эйр” тажик авиакомпаниясынын Дүйшөмбү-Ташкент аба каттамы боюнча алгачкы ырааттуу учуусу үзгүлтүккө учурады. Ташкент аэропорту  20-февралда Дүйшөмбүдөн келе турган учакты кабыл алган жок.

Тажик компаниясы буга байланыштуу билдирүү таратып, күнөөнү өзбек тарапка оодарды. Өкмөттүк дэңгээлдеги сүйлөшүүлөргө ылайык, 20-февралдан тарта “Сомон Эйр” компаниясы ырааттуу каттамдарын баштоого уруксат алган. Бирок Ташкент аэропорту учууларды кабыл алуудан баш тартты.

Биринчи ырааттуу каттам менен Ташкентке 26 жүргүнчү учмак. “Сомон Эйр” авиакомпаниясы келтирилген ыңгайсыздык үчүн кардарлардан кечирим сурап, билеттин акчасын кайра кайтарып берди. Айрымдары Дүйшөмбү-Худжант каттамы боюнча билет алышты.

Эки өлкө ортосундагы байланыш 1992-жылы Тажикстанда жарандык согуш башталганда токтогон. 10-февралда тажик авиакомпаниясынын учагы 14 жүргүнчү менен Дүйшөмбүдөн Ташкентке алгач ирет учуп барган. Бул 25 жыл ичиндеги биринчи каттам болуп калган.

Булак: Борбор азия жаңылыктар кызматы

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *