Ташкентте $1,4 миллиарддык High Tech City комплексинин курулушу башталды

Ташкентте жалпы баасы 1 миллиард 400 миллион доллар болгон жогорку технологиялык High Tech City комплексинин курулушу башталды. Долбоор Түштүк Кореянын POSCO Daewoo корпорациясы тарабынан иштелип чыккан.

Жергиликтүү ММКлардын маалыматына караганда, жаңы комплекс 50 гектар аянтты ээлеп, анда бизнес-борборлор, турак-жайлар, билим берүү мекемелери, коммерциялык жана өнөр жай ишканалары, илимий-изилдөө борборлору жайгашат. Булардын баары «интеллектуалдык» технологияларды пайдалануу менен курулуп, энергияны үнөмдөө системалары менен жабдылат.

High Tech City долбоорун ишке ашыруу максатында Өзбекстан менен Түштүк Кореянын ортосунда биргелешкен жумушчу топ түзүлгөн. Учурда жогорку технологиялык High Tech City районун жайгашуусу боюнча төрт вариант каралууда.

POSCO Daewoo болот куюу менен алектенген POSCO ири ишканасынын туундуу компаниясы болуп эсептелет. Ал Түштүк Кореяда гана эмес, башка чет өлкөлөрдө дагы чоң курулуш тажрыйбасына ээ.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *