Ташкентте курулуп жаткан үй премьер-министрдин оозеки буйругу менен бузулду

Өзбекстандын премьер-министри Абдулла Ариповдун оозеки буйругу менен Ташкенттин Мирзо-Улугбек районунда жеке ишкердин каражатына курулуп жаткан үч кабаттуу үй түрттүрүлдү.

Ташкент мэриясындагы өз булактардын кабарлашынча, өкмөт башчы мындай буйрукту борбордогу жаңы курулуп жаткан үйлөрдөгү бир канча жолку истүү газга уулануу учурларынан кийин берген.

– Мындан тышкары премьер-министр аталган инвестор тарабынан курулган башка үйлөрдү дагы текшерип чыгуу тапшырмасын берди. Бул тапшырманын негизинде өткөн ишембиде Мирзо-Улугбек районунда курулуп жаткан үч кабаттуу үй соттун уруксатысыз эле буздурулду», — деди ал.

Аталган үйдү куруп жаткан жеке ишкер Мухаммадбабур Хажаев анда бардык уруксат берүүчү документтер бар экенин жана курулуш иштерине 620 миң доллар коротконун билдирди. Анын айтымында, бийлик үйдүн бузулушун ал курган үйлөрдүн биринин тургундарынын истүү газга ууланышы менен түшүндүрүүдө.

“Ал балдардын өлүмүнө биздин куруучулардын эч кандай күнөөсү жок. Менде акты бар. Батир ээсине быйыл 11-июлда өткөрүлүп берилген. Көп өтпөй аны сатып алган адам батирдеги жылуулук түтүктөрүн өз алдынча алмаштырган», — деди Хажаев.

Булак: “Борбор Азия жанылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *