Ташкенттеги соода борборунда сатуучу менен кардар бычакташты

8-июлда Ташкенттеги «Флешка» соода борборунда урунулган телефон сатуучулары менен кардарлардын ортосунда жаңжал чыккан. Күбөлөрдүн айтымында, бир нече киши жабыркаган.

“Азаттыктын” өзбек кызматына жөнөтүлгөн видеодо колуна бычак кармаган жигит башка бир жигитти кубалап жүргөнүн, милиция кызматкери аны токтотууга аракет жасаганын көрүүгө болот.

Соодагерлердин биринин айтымында, бычакташуу учурунда бир нече киши жабыр тарткан.

Ташкент шаардык Ички иштер башкармалыгы билдиргендей, колдонулган телефон сатуучуларынын бири кардар менен келишпей, уруша кеткен. Соода комплексине келген жаран досторун телефон аркылуу чакырган.

Жаңжал учурунда мурда соттолгон киши соодагерлердин бирин төшкө бычак менен сайган, андан соң автоунаа менен качып кеткен. Жабырлануучу медициналык жардам үчүн ооруканага кайрылган.

Бул факт боюнча “Бейбаштык” беренесинин негизинде кылмыш иши козголду. Шектүүнүн аты-жөнү жана автоунаанын мамлекеттик номери аныкталды. Учурда айыпталуучу кармалды, тергөө жүрүүдө.

Булак: “Борбор Азия жаңылыктар кызматы”

 

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *