Тажикстан Өзбекстанга бирдиктүү бренд менен базарларды өздөштүрүүнү сунуштады

Тажикстан Өзбекстанга биргелешкен бирдиктүү бренд менен жаңы базарларды өздөштүрүүнү сунуштады. Бул тууралуу өзбек маалымат каражаттары билдирүүдө.

Тажикстандын Соода-өнөр жай палатасынын төрагасы Шариф Саид бул эки өлкөнүн соода-экономикалык кыматташтык жаатында ийгиликтерге жетишине мүмкүндүк түзөрүн билдирди. Анын айтымында, Тажикстан менен Өзбекстандын ортосундагы товар алмашуу көлөмүнүн акыркы жылдары өсүп жатканына карабастан, бүгүнкү күндө ал канааттандыраарлык эмес.

«Алдыга коюлган максаттарды ишке ашыруу үчүн биз электрондук соода, лизинг, биргелешкен инновациялык өндүрүштөрдү түзүү өңдүү заманбап ыкмаларды пайдалансак болот. Аны менен катар учурдагы эркин экономикалык аймактардын жеңилдиктерин пайдалануу менен «Тажикстан-Өзбекстан» деген биргелешкен бренддин алдында башка өлкөлөрдүн базарларына чыга алат элек», – деп билдирди Саид Ташкенттеги бизнес-форумда.

Ал өзбек ишкерлери бул потенциалды пайдалануу менен Тажикстандагы инвестициялык активдүүлүгүн жогорулата аларын белгиледи.

Бүгүнкү күндө Өзбекстанда тажик капиталы катышкан 24 ишкана бар болсо, алардын бирөөсү 100 пайыз чет өлкөлүк инвесторлорго таандык. Ошол эле маалда Тажикстандын аймагында Өзбекстан ишкерлеринин катышуусунда 9 ишкана ачылган. Үстүбүздөгү жылдын тогуз айында өзбек-тажик товар алмашуусу 178,2 миллион долларга жеткен.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *