Тажикстанд имам-хатибдер жаштарды армияда кызмат өтөөгө үндөшүүдө

Гиссар районунун ондогон дин кызматкери уландарды армияда кызмат өтөөгө үндөөдө. Бул маалыматты 12-апрелде борбордук мечиттин имам-хатиби Шарофиддин Фозилов тастыктады.

Анын айтымында, жергиликтүү мечиттердин өкүлдөрү аскер комиссарлары менен бирге аскерге чакырыла турган уландардын үйүнө барып, мекенге кызмат өтөөнүн зарылдыгын түшүндүрүшүүдө. “Биз мекенчилдик, ата-журтка болгон сүйүү, өлкө ичиндеги туруктуулук жөнүндө сүйлөйбүз. Биздин кеңешибизден кийин бир нече улан армияда кызмат өтөө ниетин билдиргенине күбө болдум”, -деди Шарофиддин Фозилов.

Тажикстан президентинин жарлыгына ылайык, жазгы аскерге чакыруу кампаниясы 1-апрелде башталган, 31-майга чейин уланат.

Тажикстан Коргоо министрлигинин маалыматы боюнча Куралдуу күчтөрдүн катарын жыл сайын 15-16 миң киши толуктайт.

Фаридун Махмадализоданын айтымында, имамдар былтыр дагы болочок жоокерлер менен жолугушууларды өткөрүшкөн. Бирок бул сапар биринчи жолу аскер комиссариатынын кызматкерлери менен бирге үйлөрдү кыдырышып, жаштарды аскерде кызмат өтөөгө чакырышууда.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *