Тажикстанда азык-түлүктүн кымбатташынын себептери текшерилди

Тажикстандын Монополияга каршы кызматы өлкөдө азык-түлүккө болгон баалардын жогорулашынын себептерин анализдеп чыкты. Өткөн жылы жазында Улуттук коопсуздук кызматы азык-түлүк 20 пайызга кымбаттагандыгы тууралуу Статистика комитетинин маалыматына таянып, баалардын жогорулашынын себептерин аныктоо өтүнүчү менен мекемеге кайрылган.

Монополияга каршы кызмат кайрылууга жооп кылып, текшерүүлөрдүн жыйынтыгында азык-түлүккө болгон бааларды жасалма көтөрүү фактысы аныкталбаганын билдирди.

Мекеменин кызматкерлери баалардын жогорулашына бир канча фактор, анын ичинде товарларды өндүрүү үчүн сырттан алынып келинген сырьелордун кымбатташы таасир эткенин билдиришти. «Азык-түлүктүн кымбатташынын башка дагы себептери болгон. Мисалы, өткөн кышта Пакистандан картошка импорту токтоп калып, буга байланыштуу анын баасы 57 пайызга жогорулап кеткен», — деди мекеме кызматкери.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *