Тажикстанда интернетти көзөмөлдөө менен теракттардын алдын алышууда

Тажикстандын Башкы прокуратурасы социалдык түйүндөрдү, электрондук почталарды жана мессенжерлерди текшерип турат. Көзөмөл органдын чиновниктеринин айтымында, интернеттеги байкоолор өлкөдөгү мыйзамдардын негизинде гана жүзөгө ашууда.

Тажикстан парламентинин төмөнкү палатасынын депутаты Азизмухаммад Холмухаммадзода күч түзүмдөрү тарабынан дүйнөлүк желенин көзөмөлдөнүп жатышын террорчулук менен күрөшүү, өлкөдөгү коопсуздукту камсыз кылуу менен түшүндүрүүдө. Анын айтымында, былтыр ноябрда “Терроризм менен күрөшүү жөнүндө” мыйзамга толуктоолор киргизилген. Ага ылайык, тиешелүү мамлекеттик органдар антитеррордук операция жүргүзүү маалында интернет жана мобилдик байланышка бөгөт коюуга укук алышкан.

Жыл башында Тажикстан кибертерроризмге жана маалымат технологиялары менен жүзөгө ашкан кылмыштарга каршы күрөшө турган борбор ачарын жарыялаган. Бийлик интернеттин, анын ичинде социалдык түйүндөрдүн жардамы менен кылмышкерлер экстремизм идеаларын жайылтып, жаштарды азгырып жатканын айтып келет. Буга байланыштуу дүйнөлүк желедеги көзөмөлдү күчөтүүдө.

Булак:  “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *