Тажикстанда кардарларына ВИЧ жуктурган сойкунун иши сотко жетти

Тажикстандын Шаартуз райондук прокуратурасы 10 кишиге ВИЧ-инфекциясын жуктурууга айыпталып жаткан жергиликтүү тургундун иши сотко жөнөтүлгөнүн билдирди.

Азырынча сот жараянынын датасы белгилене элек.

Прокуратуранын маалыматына караганда, айыпталуучу 30 жашта жана анын эки баласы бар. Ал 2014-жылдан бери ВИЧ/СПИДге каршы күрөшүү борборунда каттоодо турганына карабастан, күйөөсү менен ажырашкандан кийин интимдик кызматтарды көрсөтүүсүн уланта берген. Анын айрым кардарлары телефон чалуулар жана смс-билдирүүлөр аркылуу аныкталган. Тергөөчүлөрдүн билдиришинче, алардын баары Шаартуз районунун тургундары жана көбүн үйлөнө элек жаштар менен үй-бүлөлүү кишилер түзөт.

Тергөө аялдын интимдик кызматтарынан кеминде 10 киши колдонгонун аныктады. Азырынча алардын канчасына ВИЧ жукканын так айтуу мүмкүн эмес, анткени вирус адамдын организмине киргенден кийин жарым жылдын ичинде билинет.

ВИЧ/СПИДге каршы күрөшүү боюнча жергиликтүү борбордун жетекчиси ​Акрам Давлатовдун айтымында, айыпталып жаткан аялга бул ооруну жайылтуу үчүн жоопкерчилик каралганы эскертилген. «Биз ар бир мындай адамдан тилкат жаздырып, кол койдуруп алабыз. Учурда райондогу ВИЧ борбордо 90 адам каттоодо турат», — деди ал.

Булак: «Борбор Азия жаңылыктар кызматы»

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *