Толкуп жаткан Тогуз-Торого ИИМ 200 дөн ашуун куралданган СОБРдун аскерлерин алып барды

Кечээ, Тогуз – Торого  ИИМ башчысы Улан Исраиловдун тапшырмасы менен Жалал-Абад облусунун ИИБ башчысы Акылбек Мамасейитов 200 дөн ашуун куралданган СОБРдун коштоосунда барганы айтылууда. ИИМ башчылары бул кылыгы менен тынч турган элдин кыжырына тийди. Ансыз деле кыжыры келип турган, жаалданган элге мындай коркутуп-үркүтүүнүн кереги жок эле. ИИМ башчылары мындай ашыкча кадамдары менен бир балээнин үстүнөн чыгышы мүмкүн. Айрым маалыматтарга таянсак, бул алтын кендердин үзгүлтүксүз иштешине ИИМ орун басары Данияр Абдыкаров жана Жалал-Абад облустук ИИБ башчысы Акылбек Мамасейитовдун кызыкчылыгы бар экени айтылып жүрөт. Ал эми ИИМ орун басары Абдыкаровдун дарегине айтылган бул сөз чындыкка дал келип турат. Жакында эле “Азия ньюс” гезитине бул жетекчинин бир топ ишканалардан “доля” алып жатканы тууралуу далилдүү маалымат чыкпадыбы? Демек, “жел болбосо, дарактын учу шуудурабастыр”.

Эске сала кетсек, Тогуз-Торо эли бул аймактагы алтын кендердин иштөөсүнө каршылык билдирип, митингдерди уюуштуруп жатат. Жакында Өкмөт башчы Сапар Исаков карапайым калктын талабын эске алуу менен, ал жердеги алтындын казылуусун токтотуп, тиешелүү текшерүү иштерин жүргүзүүнү буйруган. Мындан тышкары Жалал-Абад облус губернаторуна, Тогуз-Торо районунун акимине эл менен жолугуп, түшүндүрүү тапшырмасын берген. Бүгүн, Облус жетекчилиги эл менен жолуугуга бармак, алардын коопсуздугун коргойбуз деп, ИИМ элди толкутуп койду. Бул жерде ИИМ жетекчилиги Өкмөт башчы Сапар Исаковдун атына, облус жетекчилигинин атына кир келтирди. Өкмөт башчынын тапшырмасы менен жөн гана эл менен жолугуп түшүндүрүү иштерин жүргүзмөкчү болгон облус жетекчилигин ИИМдин чаласабат жетекчилери үзгүлтүккө учуратып коюшу ыктымал. Булардын бул кылыгынын айынан эл менен кагылышуу болуп кетпесе эле болгону.

Токтораалы Тажибеков,

Тогуз-Торо району

3 comments

  • Айтбек says:

    ИИМдин оздук курамы тынчылык учун барышты да. Мен бир нерсе тушунбой атам…. Бизге инвесторлор керек деп ыйлап калышат, инвесторлор келсе негедир ушундай мирингтер уюштурулуп башталышат! Анан кайсы инвесторлор келет биздин олкобузго? Кыргыз элим кичине ойлонуп иш кылалы.

  • метис says:

    В Тогуз Торо вообще-то этот завод давно работает, вся суть этого кипиша в том, что раньше ископаемые добывались в Тогуз Торо, а перерабатывались в другом месте (То ли в Кумторе или еще где-то). Так вот при перевозке местные жители были в доле (воровали т.д.), но позже завод сам посторил переработывающие агрегаты и теперь нет нужны в выводе концентратов для переработки. И теперь местные жители за бортом!!!! + Интерес деструктивных сил! Так что не надо грязью поливать тех кто по настоящему работает во благо народа!

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *