Төрөбаевдин популисттик кадамыбы же реалдуу демилгесиби?

Президенттик шайлоо жакындаган сайын, өлкө башчысы болом деп чамынгандардын катары калыңдап жатат. Арасында саналуусу гана президент болууга татыктуу. Калганы керек болсо шайлоонун 1 миллион сом күрөө фондун төлөй албай элден акча сурап жүрүшөт. Өз керектөөсүн камсыз кыла албагандар, бүтүндөй өлкөнү башкарып, кантип эл багышат? Демек, шайлоодо жаңылбай туура тандоо жүргүзүү бүгүнкү учурдун күрөө тамыры болуп турат. Азыркы тапта, президентикке аттангандардын ичинен «Өнүгүү-Прогресс» партиясынын лидери Бакыт Төрөбаев гана конкреттүү программа сунуштарын айтып чыкты. Алсак, мамлекеттик аппаратты каржылоо чыгымын 25%, президенттик аппараттын жана анын түзүмдүк бөлүмдөрүнүн чыгымдарын 50% кыскартып, жеңилдиктерден баш тартып, керек болсо кортежди жоёрун билдирди. Үнөмдөлгөн каражат – дүйнөнүн эң алдыңкы университеттерине таланттуу жаштарыбызды окутууга, алардын контрактарынын төлөнүшүнө, стипендия алышына багытталаарын, билимдүү жаштар Кыргызстанды өнүктүрүп, өстүрөөрүн белгилеп, келечекке кам көрүп жатат. Албетте, мындай чечкиндүү кадамды колдогондор арбын. Ошол эле кезде популисттик кадам катары карагандар да жок эмес. Бирок баарына мезгил тараза экенин эске алсак, Төрөбаевдин айтканында данек бар…

Булак: “Багыт”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *