Трамп протоколду бузуп, дүйнө лидерлерине мобилдүү телефон номерин берүүдө

АКШ президенти Дональд Трамп мобилдүү телефонунун номерин бир катар чет өлкө жетекчилерине берүү менен дипломатиялык протоколду бузуп, коопсуздук кызматынын тынчсыздануусун жаратты. Бул тууралуу The Washington Post гезити маалымдоодо.

Трамп мобилдүү телефонунун номерин Мексика президентине жана Канада премьер-министрине берген. Канада өкмөт башчысы Жастин Трюдо ага чалып жиберүүгө дагы үлгүргөн. Трамп Франция президенти Эммануэль Макрон менен дагы телефон номерин алып-беришкен.

Басылманын маектешинин айтымында, АКШ президенти бекем корголгон имаратта кандай гана мобилдүү телефон менен колдонбосун сүйлөшүүлөрдү башка өлкөлөрдүн атайын кызматтары тыңдап коюшу ыктымал.

Өткөн президенттик шайлоо кампаниясы тушунда Трамп атаандашы Хиллари Клинтонду корголбогон электрондук почта аркылуу кат алышкандыгы үчүн сындаган.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *