Трампты сотко берген порноактрисанын арызы канааттандырылган жок

Сторми Дэниелс.

Нью-Йоркто федералдык сот АКШ президенти Дональд Трампты жалган жалаа жабууга айыптаган порноактриса Сторми Дэниелстин арызын четке какты.

Сот Конституциянын сөз эркиндигине кепилдик берген биринчи өзгөртүүлөрүнө ылайык, Трамп Твиттерде Дэниелсти келекелөөгө укугу болгон деген негизде чечим чыгарган.

Дэниелс Трамп менен интимдик байланышта болгонун билдирип, бирок президент анын сөзүн калпка чыгарып, шылдыңдап жатат деп эсептейт. Дэниелс президент менен мамилесин ачыкка чыгарбоо тууралуу коркутуп-үркүтүүгө кабылганы боюнча көрсөтмө берген.

Опузалаган киши тууралуу маалымат берүү талап кылынганда актриса сүрөтчү тарткан фотороботту гана көрсөтө алган. Судья буга ынанган эмес.

Мартта Сторми Дэниелс АКШ президенти менен болгон интимдик байланышын ачыкка чыгарбоо тууралуу келишим боюнча Трампты сотко берген. Анын айтымында, Трамптын жактоочусу Майкл Коэн “мамилелерди” купуя сактоо үчүн 130 миң доллар төлөгөнү, бирок документте президенттин колу коюлбаганын билдирген. Кийинчерээк CNN эфиринде ал опузалоо болуп жатканын айткан. Трамп жооп иретинде анын сөзүн “скетч” деп атаган. Ал Твиттерге: “Келесоолор үчүн иштеген фейк-ньюс медианын начар иши” деп жазган. АКШ президенти мындан тышкары Дэниелс сотко көрсөткөн портретти анын мурдагы күйөөсүнүн сүрөтү менен салыштырган.

Donald J. Trump
@realDonaldTrump
Трамптын Твитетрдеги билдирүүлөрүнөн кийин Дэниелс аны жалган жалаа жабууга айыптап, сотко берген.​

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *