Түркмөн бийлиги уруксатсыз сугат иштеринин алдын алууда

Дашөгүз облусунда суу каналдары кайтарууга алынды. Муну менен түркмөн бийлиги уруксатсыз сугат иштерине бөгөт коюу аракетинде

“Жергиликтүү жашоочулар же ферма чарбалары каналдагы сууну насос аркылуу сордуруп албоосу үчүн администрациянын буйругу менен күн сайын эки киши 100 чакырым узундуктагы каналды кайтарууда”-, деди дашөгүздүк тургун.

“Азаттыктын” түркмөн кызматы билдиргендей, Сапармурад Туркменбашы районунда фермердик чарба күрүч өстүрүп баштаган. Жергиликтүү дыйкандарга ижарага берилип келген бул жер учурда өлкө жетекчилиги менен байланышы бар кишинин карамагына өткөн. Мындан улам күрүч талаалары кошумча сугарылып, суу тартыштыгынын жаралышына себеп болду.

Быйыл Дашөгүз облусундагы каналдарга суу кеч коё берилип, сугат иштери бир нече аптага кеч башталды.

Булак: “Борбор Азия жанылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *