Түркмөнстанда эң арзан чылымдын кутусу 17 доллардан сатылууда

Түркмөнстанда жеке жактардын чылым сатуусуна тыюу салынганына үч айдан ашты. Ушул жылдын мартында президенттин жарлыгы менен өлкөнүн Соода жана сырткы экономикалык байланыштар министрлиги гана чылым ташып келүү жана сатуу укугуна ээ болгон.

Бирок жайдын башында мамлекеттик дүкөндөрдө чылымдар кыйла азайып кеткен. Бүгүнкү күндө тамеки сатуу толугу менен мыйзамсыз жана жеке соода жайларында жүрүп, чылым баасы күн сайын жогорулоонун үстүндө. Эгер эки жума мурда бир куту чылымды 40-50 манатка сатып алууга мүмкүн болсо, бүгүн өлкөдө 55 манаттан арзан тамеки жок.

Түркмөнстандын түндүгүндөгү Дашогуз шаарында «Mond» маркасындагы чылымдын кутусун 60 манаттан ($17) сатып алууга болот, кечке жакын анын баасы 65 манатка чейин көтөрүлөт. Айылдарда эң арзан чылымдардын кутусу 57-60 манаттан сатылууда.

Көмүскө базарларда сатылып жаткан чылымдар орусиялык акциздик маркаларга ээ, мындан улам алардын контрафакт экени көрүнүп турат.

Булак:  “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *