Түркмөнстанда Сапармурад Ниязовдун музейи ачылды

Түркмөнстандын алгачкы президентин эскерүү күнүнө карата 21-декабрда Сапармурад Ниязовдун музейи ачылды. Салтанаттуу иш-чарага мамлекет жетекчиси Гурбангулы Бердымухамедов баш болгон өкмөт мүчөлөрү, парламент депутаттары, коомдук уюмдардын өкүлдөрү жана Ашхабад жашоочулары катышты.

Гурбангулы Бердымухамедов музейдин ачылыш аземинде сүйлөп жатып, өлкөдө Ниязовду эскерип турушарын айтты. Бирок ал өз сөзүндө биринчи президенттин расмий түрдөгү “Түркмөнбашы” жана “Улуу” наамдарын колдонгон жок. Сапармурад Ниязовдун бул титулдарын Түркмөнстандын расмий ММКлары дагы бир нече жылдардан бери кеп кылышпайт.

Ниязов өлгөндөн кийин анын бардык эстеликтери, анын ичинде 83 метрлик Түркмөнбашынын алтын айкели борбор калаанын четине көчүрүлгөн. Биринчи президенттин ысымын алып жүргөн калктуу конуштардын аттары өзгөртүлгөн.

Сапармурат Ниязов Түркмөнстанды 1985-жылдан 2006-жылга чейин башкарган.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *