Фото/видео – Түркмөнстанды Каракалпакстан тараптан келген кумдуу, туздуу бороон каптады

Туз аралашкан кумдуу бороон аймакка Өзбекстандын Каракалпакстан автономдук республикасы тараптан келген.

27-майга оогон түнү Түркмөнстандын Дашөгүз облусунда ылдамдыгы секундасына 20 метрге жеткен катуу шамал болуп, аймакты туз аралашкан кумдуу бороон каптады. Бул тууралуу «Азаттыктын» түркмөн кызматы кабарлады.

Дашөгүз облусу Түркмөнстандын экологиясы начар аймагы болуп эсептелет. Облуста Арал деңизинин соолушунун кесепеттери көбүрөөк сезилет. Жергиликтүү тургундар суунун сапатынын начардыгына жана жер кыртышынын шор экенине даттанып келишет. Мындан улам аймакта туз аралашкан кумдуу бороондор байма-бай болуп келет.

​Бул видео Дашөгүздө 27-май таңга маал тартылган.

«Азаттыктын» түркмөн кызматынын аймактагы кабарчысы бороон жекшемби күндүн экинчи жарымына чейин уланып, аймакка туз жана кум учуруп келип турганын билдирди.

Туз аралашкан кумдуу бороон жекшемби күндүн экинчи жарымына чейин уланган.

«Туз пахта жана буудай талааларын, ошондой эле жемиш бактарын каптап калды. Көчөнүн баары аппак, тузга толгон”, деп жазды басылма.

Бул видео Өзбекстандын Хорезм облусунда тартылган.

Туз аралашкан кумдуу бороон Өзбекстандын Каракалпакстан автономдук облусу тараптан келген. “Азаттыктын” өзбек кызматынын маалыматына караганда, мындай бороон өлкөнүн Хорезм, Бухара жана Навои облустарында дагы болгон. Азырынча Өзбекстандын бул облустары менен чектешкен Түркмөнстандын Лебап облусундагы абал белгисиз болууда.

Бороон менен келген туз эгин талаалары менен жемиш бактарын каптаган

Булак: «Борбор Азия жаңылыктар кызматы»

 

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *