Улуттук коопсуздук кызматы КР Мамлекеттик мүлк фондунун 2010-жылдагы төрагасы, атамекенчи Шералы Абдылдаевге издөө жарыялады

КР Мамлекеттик мүлктү башкаруу боюнча фондунун 2010-жылдын апрелинен кийинки төрагасы, атамекенчи Шералы Абдылдаев «Ата Мекен» фракциясынын лидери Өмүрбек Текебаев жана башка адамдарга карата козголгон  кылмыш ишинин фигуранттарынын бири болуп саналат. Бул тууралу МУККнын басма сөз кызматы билдирүү таратты.

Азыркы учурда Шералы Абдылдаев укук коргоо органдарынан жашынып, качып жүрөт. Ага КР Кылмыш-жаза кодексинин 303-беренесинин 1 бөлүгү (коррупция)  боюнча кылмыш жасагандыгы үчүн сыртынан айып тагылган.

Бишкек шаарынын Биринчи май райондук соту тарабынан Шералы Абдылдаевге баш коргоо чарасы – камака алуу чечими чыгарылып,  ага издөө жарыяланды.

КР МУКК анын кайда экенин аныктоо үчүн ыкчам-иликтөө иш-чаралары жүргүзүлүп жатат.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *