Венгрия өзбек студенттерине жыл сайын 30 стипендиядан бөлүп турууну пландоодо

Өзбекстандын Тышкы иштер министри Абдулазиз Камилов шейшембиде Ташкентке расмий сапары менен барган Венгриянын Тышкы экономикалык байланыштар жана тышкы иштер министри Петер Сийарто менен жолукту.

Өзбекстан ТИМинин басма сөз кызматынан билдиришкендей, жолугушуунун жүрүшүндө тараптар каржы, айыл жана суу чарба, билим берүү тармактарындагы биргелешкен долбоорлорду талкуулашты. Анда венгер тарап жыл сайын өзбекстандык студенттер үчүн 30 стипендиядан бөлүп турууну пландап жаткандыгы айтылды.

Сүйлөшүүлөрдүн соңунда министрлер Өзбекстандын Саламаттыкты сактоо министрлиги менен Венгриянын адам ресурсу министрлиги ортосундагы 2017-2020-жылдар аралыгындагы кызматташтыгы тууралуу макулдашууга кол коюшту.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *