Видео – Астананын жашоочусу үйүн президенттин сүрөттөрү менен коргоодо

Астананын жашоочусу Несипгүл Уябаева түрттүрүлө турган үйлөрдүн катарына кирип калган турак-жайын сактап калуу үчүн анын дубалдарына өлкө президенти Нурсултан Назарбаевдин сүрөттөрүн чаптап чыкты. Буга чейин шаар бийлиги үй “мамлекеттик зарылчылыктан улам” бузуларын билдирген.

Уябаева өлкө башчынын 91 сүрөтү үйүн түрттүрүү үчүн келген куруучуларды токтотот деген ишенимде.

«Аткаминерлер Кудайдан да коркушпайт, жок дегенде президенттен коркушсун. Мамлекет башчыбыз элибиз жакшы жашасын, келечегибиз жакшы болуп, бардыгы жогорку деңгээлде болсун деген саясатты карманат. Чиновниктер болсо жеке тилкебизди тартып алып, талаага кууп чыкканы жатышат», – дейт Уябаева.

Үйдө сегиз киши жашайт, алардын экөөсү жаш балдар. Үй ээси алгач ага компенсация катары $400 сунуштап, кийинчерээк аны 4,7 миллион тенгеге көбөйтүшкөнүн, бирок бул сумма да жаңы турак-жай сатып алууга жетпей турганын айтууда.

21-апрелде «ЭКСПО» эл аралык көргөзмөсүнө даярдык көрүү маселелери талкууланып, анда Нурсултан Назарбаев Астанада эски үйлөрдүн бар экенин жана алар шаардын көркүн бузуп жатканын айтып ачууланган.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *