Видео – Кара-Суудагы шайлоо участкасында журналисттерди коркутууга аракет кылышты

Кара-Суу шаардык кеңешинин шайлоосун чагылдырууга барган НТС каналынын жергиликтүү кабарчылары коркутууга туш болгонун билдиришти.
Журналист Гүлжан Алтымышбаеванын “Азаттыкка билдиришинче, шайлоо тилкесинин жанындагы белгисиз адамдар каналдын операторунун ишине тоскоолдук кылып, тартылган тасманы өчүртүүгө аракет кылышкан.

“Бул белгисиз адамдар шайлоого келгендерди тизме боюнча тактап, текшерип жатыптыр. Биз барып, ким экенин тактоого аракет кылганда өзүн “домкоммун” деп тааныштырды. Муну көргөн беш-алты адам келип, операторду коркутуп, камераны алууга аракет кылышты”-деди Алтымышбаева.

Журналист бул окуя боюнча күч органдарына кайрылуу маселесин НТС каналынын жетекчилиги менен кеңешип, чечим кабыл алынарын кошумчалады.

Кечээ Кара-Суу шаардык кеңешине шайлоо өткөн.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *