Видео – Казакстандагы жол кырсыктан мерт болгондордун баары өзбек жарандары болушкан

Өзбекстандын Өзгөчө кырдаалдар министрлиги Казакстандагы жол кырсыгынан каза болгон жети өзбек жаранынын сөөгү Хорезм облусуна жеткирилгенин билдирди. Учурда сөөктөрдү аныктоо иштери жүрүүдө.

1-мартта Казакстандын Мангистау облусундагы «Актау-Бейнеу» трассасында жеңил унаа менен жүк унаасы кагылышып, жыйынтыгында жети киши мерт болгон.

Өзгөчө кырдаалдар министрлиги каза тапкандардын болжолдуу тизмесин 2-мартта жарыялаган. Анда Өзбекстандын алты жаранынын аты жазылган. 4-мартта тизмеге дагы бир өзбекстандык кошулган.

Казакстанда бул жол кырсыгына байланыштуу «Жол кыймыл эрежелерин бузуу» беренеси боюнча тергөө иштери башталды.

Кийинчерээк Youtube видеопорталында кырсыктан кийин күйүп жаткан автоунаанын тасмасы чыккан. Акыркы эки айдан бери Казакстандын аймагындагы жол кырсыктарынан бир нече өзбекстандык каза болгон.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *