Видео – Нидерландда Украинадагы учак кырсыгынын курмандыктарынын эстелиги ачылды

Нидерланддын  Вайфхяюзен шаарындагы Схипхол аэропортунун жанындагы паркта үч жыл мурда Украинанын чыгышында атып түшүрүлгөн учактын мерт болгон жүргүнчүлөрүнө арналган мемориал ачылды.

Бул мемориалда 283 жүргүнчүнүн жана экипаждын 15 мүчөсүнүн ар бирине арналып бактар отургузулган.

Падыша Вилльям-Александр менен ханыша Максима

Падыша Вилльям-Александр менен ханыша Максима

Мемориалдын жанында дүйшөмбүдө өткөн эскерүү иш-чарасына Нидерланддын падышасы Виллем-Александр жана каныша Максима баштаган 2000 миңге чукул адам катышты.

Амстердамдан Куала-Лумпурга сапар алган MH17 каттамындагы малайзиялык учак 2014-жылдын 17-июлунда Украинанын чыгышында атып түшүрүлгөн. Учактагы жүргүнчүлөрдүн басымдуу бөлүгү Нидерланддын жарандары болчу.

2015-жылы Нидерланддын иликтөөчүлөрү учак Орусияда жасалган “Бук” ракетасы менен атып түшүрүлгөн деген бүтүмгө келишкен. Орус тарап бул окуяга байланышы жок экенин билдирген.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *