Видео – Тажикстанда ИИМдин мурдагы башчысы Рахмондон мунапыс жарыялоону өтүндү

Тажикстан ИИМинин мурдагы башчысы Якуб Салимов президент Эмомали Рахмондон жарандык согушка чекит койгон Тынчтык жана улуттук ынтымак келишиминин 20 жылдыгынын урматына мунапыс жарыялоону өтүндү.

Салимов президентти тынчтыкты сүйгөн саясатчы катары сыпаттап, мунапыс жарыялоону сунуштаган билдирүүсүн 6-июнда Фейсбуктагы баракчасына жарыялады.

Якуб Салимов мекенге чыккынчылык кылуу, бандитизм жана кызмат абалынын кыянат пайдаланууга айыпталып, 13 жыл темир тор артында отурган. Ал 2016-жылы июнда эркиндикке чыккан. Салимов өлкөнүн азыркы жетекчилеринин бийликке келишине чоң салым кошкон “Элдик фронттун” негизги фигураларынын бири болгон.

Ал саясий оюндардын курмандыгы болуп калганын билдирет. Салимов кайрылуусунда абакта күнөөсүз жаткан кишилер аз эмес экенин баса белгилеген.

“СССР” басылмасынын башкы редактору Сайёфи Мизробдун пикиринде, Якуб Салимов “Элдик фронттогу” мурдагы жолдошторунун эркиндикке чыгышын каалайт. Анын билдиришинче, жарандык согуштан кийин мунапыстарга карабай, Элдик фронттун” мурдагы мүчөлөрү узак мөөнөткө соттолушкан.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *