Видео – Төртилик деп аталган саясатчылар тобу биригип, түзөбүз деген “Кайра жаралуу” партиясы түзүлбөй калды

Мындан бир ай мурун белгилүү саясатчылар, “Бүтүн Кыргызстан” партиясынын лидери Адахан Мадумаров, “Ата-Журт” партиясынын лидерлери Камчыбек Ташиев менен Ахматбек Келдибеков жана “Өнүгүү-Прогресс” партиясынын лидери Бакыт Төрөбаевдер биригишип, бир партия түзүшө тургандыктарын жарыялашкан.  Аларга бешинчи болуп экс-генпрокурор Элмурза Сатыбалдиев да кошулганын билдирген. 11-сентябрда ошол жаңы партиянын съездин өткөрүшүп, президенттик шайлоого бир талапкерди алып чыгышарын да жар салышкан. Ал жаңы партиянын аталышы “Кайра жаралуу” болору кийин белгилүү болгон.

Бүгүн, 11-сентябрга белгиленген жаңы “Кайра жаралуу” партиясынын уюштуруу съезди болбой калды. Ал эми “Өнүгүү-Прогресс” партиясынын лидери Бакыт Төрөбаев төртиликтин келишими бузулганын билдирип, чоо-жайын эртең жарыяларын убада кылды.

“Ата-Журт” партиясынын Саясый кеңеши журналисттерге Камчыбек Ташиев менен Ахматбек Келдибеков КСДПнын президенттикке талапкери Сооронбай Жээнбековду колдоону чечишкенин билдирди. Бирок Ахматбек Келдибековдун пресс-катчысы Шайырбек Маматокторов “Келдибеков Жээнбековду колдобойт” деп каяша айтты.

Видео: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *