Видео – Төртилик: Төрөбаев, Мадумаров, Келдибеков жана Ташиев Ошто эл менен жолугушту

Бүгүн, 13-августта Төртилик: Төрөбаев, Мадумаров, Келдибеков жана Ташиев Ошто эл менен “Күч биримдикте!” деген ураандын астында жолугушту. Анда Бакыт Төрөбаев төртилик кол койгон келишимди көрсөтүп: “бул тарыхый келишим!” деп атады. Ал эми Камчыбек Ташиев: “Өнүгүү”, “Ата-Журт” жана “Бүтүн Кыргызстан” партиялары биригип, бир эле партияны түзүүнү чечтик” деп жарыялады.

Жыйындын катышуучуларынын “Төртөөңөрдүн ичинен кимиңерди президенттикке алып чыгасыңар?” деген суроосуна Адахан Мадумаров: “Биз кандай учур болбосун бир талапкердин артынан чыгабыз. Аны жакында съездде угасыңар” деди. Камчыбек Ташиев: “Азырынча картаны ачпай туралы” деп тамашалады. Ал эми Ахматбек Келдибеков: “Кандай гана иш болбосун эгерде тактика менен стратегияны эч кимге айтпай барып жеңип алса мөрөй ошонуку болот” деди.

 

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *