Жакында өкмөттүн жаңы структурасы каралабы?

Облустарды, райондорду жо­юу маселеси парламентте ток­той элек, токтомок турсун күчөп баратат. Андай болсо «120лар­дын» санын да кыскартуу мез­гилдин талабы болмок турсун накта талабы болуп жатка­нын эл өкүлдөрү эмнеге үн ка­тышпайт?

Облустарды жоюп өкмөт башчысы район башчылары менен түз иштөө тууралуу КСДП фракциясынын депутаты Абду­вахаб Нурбаевдин премьер-ми­нистирге берген сунушун, ан­дан кийин парламенттеги «Бир бол» фракциясынын депута­ты Алтынбек Сулаймановдун «райондорду да жоюп салуу ке­ректиги» тууралуу айткан су­нушун да өткөн сандарыбызда жазганбыз. Кызыгы, жогорку­дай эле пикирлерди улоо ме­нен эми «Республика-Ата Журт» фракциясынын «ана» башчысы Жыргалбек Турускулов да үн катты. «Чыгымдарды азайтуу зарыл. 2017-жылды эле айтай­ын, республикалык бюджети­биз чогулганы 135 миллиард сом болсо, анын 80 пайызын айлыкка кетириптирбиз. 94 миллиард сом кайра эле өкмөт­түн чыгымына жумшалат экен, ички, сырткы карыздарыбыз­га 14 миллиард сом бериптир­биз. Бизде өнүгүүгө каражат жок болуп атат. Өлкө өнүгүүсү үчүн сөзсүз түрдө мамлекет ага акча бөлүшү зарыл. Жакын­да ЖКга өкмөттүн структура­сын өзгөртүү боюнча мыйзам долбоору сунушталганы турат, биз ал мыйзамды дыкат карап чыгышыбыз керек. Менин же­ке пикиримде жети облустун жетекчилерин, 44 райондун акимдерин жоюш керек. Айыл өкмөттөр менен премьер-ми­нистр түз иштешсе көйгөйлөр да өкмөт башчыга түз жетет. Канча деген акча үнөмдөлөт. Мен азыр бир аким же бир гу­бернаторго мамлекеттин казы­насынан канча каражат кетерин сураштырып жатам. Ошондой эле 400дөн ашуун айыл өкмөтү бар, алардын да санын азайтуу зарыл» деди. Дейт десе эле «дей бергендин» да кичине болсо да бир механизими болуш керек да, мамлекеттин азыркы Кон­ституциясында эң чоң статусу бар премьер-министирдин 453 айыл өкмөтү менен түздөн-түз кантип иш жүргүзө алат?

Булак: «Айгай-пресс»

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *