Жалал-Абад: 4 жаран “Хизб-ут-Тахрир” уюмунан чыккандыгын билдирди

Кечээ, 2-июнда Жалал-Абад шаарынын 4 тургуну маалымат жыйын өткөрүшүп, “Хизб-ут-Тахрир” экстремисттик уюмунан чыккандыгын билдиришти. Бул тууралуу Жалал-Абад ОИИБнын басма-сөз кызматынын ага тескөөчүсү Мыктыбек Турдубеков билдирди.

Маалыматка караганда “хизбутчулар” бул уюмдун мыйзамсыз, туура эмес жол экендигин түшүнүп, мындан ары аны колдобостугун жана бул уюмга түшүнбөй кирип алгандарды кайрадан салттуу ислам динине чакыраарын билдиришти.

Жалал-Абад облусунда акыркы убакта бул уюмдан чыккандардын саны арбып баратат. 2015-жылы 7 адам өз эрки менен чыгышса, быйылкы жылдын 5 айында эле 8 адам (Жалал-Абад шаарындагы 4 атуулду кошпогондо) чыккан жана алар каттоодон алынган.

Учурда медреселерде, мечиттерде, окуу жайларда күч кызматкерлери, илимдүү дин кызматкерлеринин жардамында экстремизмди алдын алуу максатында биргеликте жолугушууларды уюштуруп келет.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *