Жалал-Абадда президенттик шайлоого байланышкан жаштардын форуму өтөт

Жалал-Абадда быйылкы 5-сентябрь күнү президенттик шайлоого карата жаштардын форуму өткөрүлөт. Бул тууралуу Жалал-Абад шаардык жаштар иштери боюнча комитетинин төрагасы Байышбек Ташбаев билдирди. Бул тураалуу Жалал-Абад мэриясынын маалыматтык борбору билдирди.

Анын айтымында, жаштардын “Юз оф ОШ” коомдук бирикмеси менен Жалал-Абад шаардык жаштар иштери боюнча комитети биргеликте президенттик шайлоого карата Жалал-Абад шаарынан 60, Базар-Коргон, Сузак, Ноокен райондорунан 20дан жаш активист, бизнесмен, жаш кызматкерлердин катышуусунда экономика, экология, жумушсуздук, миграция билим берүү багыттары боюнча атайын “Жаш тилек” аталышындагы форум өткөрүлөт.

– Форумда шайлоого карата жана өлкөнүн өнүгүшү боюнча жаштардын ой-пикирлери кабыл алынып, топтоштурулуп, ал резолюция түрүндө президентикке талапкерлердин баарына таркатылып берилет. Форумга катышкан жаштар өз ой-пикирлерин кенен айта алышы үчүн зарыл шарттар түзүлөт, – дейт ал.

 

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *